బీఆర్ఎస్ ఎమ్మెల్సీ కల్వకుంట్ల కవిత కారును తనిఖీ చేసిన అధికారులు

బీఆర్ఎస్ ఎమ్మెల్సీ కల్వకుంట్ల కవిత కారును అధికారులు తనిఖీ చేశారు. ఎన్నికల కోడ్‌లో భాగంగా ఎమ్మెల్సీ కవిత ప్రయాణిస్తున్న కారును ముబారక్ నగర్ వద్ద తనిఖీ నిర్వహించారు. ఆమె ఆర్మూర్‌కు ఎన్నికల ప్రచారం కోసం వెళ్తున్న సమయంలో ఆమె కారును అధికారులు ఆపి తనిఖీలు నిర్వహించారు. తనిఖీల సమయంలో ఆమె కారు దిగి అధికారులకు పూర్తిగా సహకరించారు. కారును అధికారులు క్షుణ్ణంగా తనిఖీ చేశారు. తనిఖీలకు సహకరించినందుకు ఎమ్మెల్సీ కవితకు పోలీసులు కృతజ్ఞతలు తెలిపారు.